ალბათ…
ისევ მთაწმინდაზე ვბაასობ ღმერთთან, მე,განდეგილი და უჩინარი; მძაგს ეს უაზრო ტკივილი მკერდთან, ეკლები მერჭობა,რადგან ვარ ნარი. აპრილის სისუსხე აღვივებს გრძნობებს, ჭმუნვა-გოდების თავიც აღარ მაქვს. როგორ გავექცე ასეთ ავ შფოთვებს. როცა სირბილის ძალაც აღარ მაქვს?.. ლექსების წერაც ვეღარა მშველის, აღარ არის უებარი წამალი; ირმის მსგავსი არსება ვარ-შველი, რომ გზას გაუყვა ესრე წა მალით. ბურუსი ჩამოწვა,თხელი და თეთრი და აღარ მოჩანს სივრცის მშვენება; მე მამოძრავებდა ოცნება,ერთი… მაგრამ შევწყვიტე კოშკთა შენება. აღარ ვოცნებობ,გამიქრა წადილი, მე მივუბრუნდი ძველებურ ღელვას; ეჰ…ალბათ ბევრი რამე მაქვს ჩადილი, თუ ასეთია სამყაროს ნება. მაშ მივუყვები მდინარის დინებას, იქნებ ცვლილებამ იჩინოს თავი; ალბათ მზის სხივიც გადმოეფინება, მჭვრეტელი ვიქნები განთიადის…
© POETRY.GE 2013 - 2024
@ კონტაქტი
0 კომენტარი