ბედნიერი ერი
ჩვენისთანა ბედნიერი განა არის სადმე ერი? მძიმე ყალნით, ლამაზ ფალნით მორთული და მშვენიერი; უწყინარი, უჩივარი, ქედდრეკილი, მადლიერი; უშფოთველი, ქვემძრომელი, რიგიანი, წესიერი; ყოვლად მთმენი, ვით ჯორ-ცხენი, ნახედნი და ღონიერი. ჩვენისთანა ბედნიერი განა არის სადმე ერი?! ყველა უნჯი, ყველა მუნჯი, გულჩვილი და ლმობიერი; თვალაბმული, თავაკრული, პირს ლაგამი ზომიერი; ყველა ყრუი, ყველა ცრუი, ჭკვადამჯდარი, გულხმიერი; მცირე, დიდი - ყველა ფლიდი, ცუღლუტი და მანკიერი. ჩვენისთანა ბედნიერი განა არის სადმე ერი?! მტვერწაყრილი, თავდახრილი, ყოვლად უქმი, უდიერი; უზღუდონი, გზამრუდონი, არგამტანი და ცბიერი; მტრის არმცნობი, მოყვრის მგმობი, გარეთ მხდალი, შინ ძლიერი; არრის მქონე, არრის მცოდნე, უზრუნველი და მშიერი. ჩვენისთანა ბედნიერი კიდევ არის სადმე ერი?
© POETRY.GE 2013 - 2024
@ კონტაქტი
8 კომენტარი
ჩიკ ჩიკი ბუმ
06.05.2022 wamebai giorgisai
Gio gio
kargi leqsia, tu vigaca ar dagadzalebs rom waikitxo
ვინც აქ დააკომენტარა ყველა ლეგენდაა ;)
ქართულის გაკვეთილი დაიძაბა…
სვანი კედლის ხალიჩაზე წამოწვაო.
სვანი უკვდავების წყაროს სმისას დაიხრჩოო.
სვანს ცოლი გაექცევა- ეს გაეკიდება და გაასწრებსო.
სვანს სარეცხის გაფენისას შარვალი ჩაუვარდება და იტყვის კიდევ კარგი ზედ არ მეცვაო.
სვანმა ტესლა იყიდა და გაზზე გადაიყვანა.
რუსებს რა?