ბაჩანა ჩაბრაძე - მთარგმნელი, პოეტი

ბაჩანა ჩაბრაძე - ფოტო დაიბადა 1976 წლის 19 იანვარს ქ. თბილისში. დაამთავრა თბილისის სახელმწიფო უნივერსიტეტის ფილოსოფია-სოციოლოგიის ფაკულტეტი. სწავლობდა დასავლურ ენათა და კულტურათა უნივერსიტეტში ფრანგული ენის განხრით. 1998 წლიდან სწავლა განაგრძო საფრანგეთში, ნანტის უნივერსიტეტში. არის ლექსების ორი კრებულის ავტორი: "ნაცრისფერი სამყარო" (143გვ. 1992, გულანი) და "მთვარის სიმთვრალე" (174გვ. 1996, მერანი). მისი ნაწარმოებები და თარგმანები გამოქვეყნებულია სხვადასხვა პერიოდიკაში: ქართული მწერლობა, ლიტ გაზეთი, ლიტ საქართველო, ლიტ პალიტრა, ახალი საუნჯე, ინდიგო... 2015 წელს ინტელექტმა გამოსცა ბაჩანა ჩაბრაძის თარგმანების კრებული "ფრანგული შანსონი" (144გვ. ISBN: 978-9941-458-72-9), რომელშიც შესულია ჟორჟ ბრასენსის, ლეო ფერეს, ჟაკ ბრელის, სერჟ გენსბურის და ბორის ვიანის კულტად ქცეული სიმღერების ტექსტები. ფრანგულიდან ნათარგმნი აქვს შემდეგ ავტორთა ნაწარმოებები: შარლ ბოდლერი, ჟორჟ ბრასენსი, ჟაკ ბრელი, ჟერომ გარსენი, სერჟ გენსბური, რაფაელ გლუკსმანი, თეოფილ გოტიე, მაჰმუდ დარვიში (პოეზია და წერილები), ჟოზე მარია დე ერედია, ნიკოლა დელესალი, ალფრედ დე მიუსე, იოაკიმ დიუ ბელე, ემა (კომიქსები), ალილ ვარდარი (პიესა 4 მოქმედებად), ჟაკ ვაშე (წერილები), პოლ ვერლენი, ბორის ვიანი (პოეზია), გრეგუარ ლემენაჟე (წერილები), კარიმ მირაუი (მოთხრობები), სენ-ჟონ პერსი, პოლინ პიკო (პოემა), ჟაკ პრევერი, არტურ რემბო, "საეზი", საფო, იზაბელ სოჟფერი, ალენ სუშონი, "ტრიო", ლეო ფერე, "შარლი ებდო" (წერილები), ვიქტორ ჰიუგო (პოეზია).