თბილისო
ისევ თამბაქო და დღეა მზიანი, ჩიტების გალობა,ბუნების ხარება; დღეს მე არა ვარ ურჩი,სევდიანი რადგან წასვლა გადაწყვიტეს ავდრებმა. ფაქიზი სხივები ნაზად მათბობენ, ველი ზაფხულის მშვენიერ დღეებს; ზღვის ზვირთ ტალღები გამაცოცხლებენ, როს მომანიჭებს თიბათვე ფერებს. თბილისის ქალაქს როდესაც ვტოვებ და მივემართები სხვა სავანეში; ასე მგონია, ქუჩნი მიხმობენ: „გთხოვ,არ ჩაგვაგდო ჩვენა საფრთხეში!” ბევრი ქალაქი მაქვს შემოვლილი, მაგრამ ტიფლისის მსგავსი ვერ ვნახე; მელანქოლიით არს შემოსილი, მაგრამ ყველაზე ტურფა აქვს სახე. ეს მოკირწყლული ქუჩები მიყვარს, ცვრიანი ბალახის ნატიფი სურნელიც; მოპირკეთებული გუმბათნიც მიყვარს, ამ არე-მარეში ყოველი სულდგმულიც! ხანდისხან მაღონებს,ზოგჯერაც მღლის, მაგრამ ერთგული დავრჩები მისი; ავალ მწვერვალზე ამაღამ მთის, დავიფიცებ,რომ შვილი ვარ მისი! წმინდა საყდარი მგონიხარ,კარგო, ვერ შემაცვლევინებს ვერავინ აზრს; თბილისო,შენა ხარ ჩემი სატრფო, სხვა ვერავის ვერ შეგადარებ თავს!
© POETRY.GE 2013 - 2024
@ კონტაქტი
0 კომენტარი