ნაომარი ცხენი

ნახა ურიცხვი შეხლა და ცეცხლი,
ხანდახან მარცხიც…
ძრწოლა ბედითი…
დაქროდა ჯიქურ,
ფიცხი და მკვირცხლი
და გადიტანა ბრძოლები დიდი…
პატრონი ჰყავდა
კაცი – ფოლადი,
ვეფხვურ იბრძოდა მუხანათებთან
ფრონტი არ დათმო ბოლო ბრძოლამდე
და ცხენიც როგორ უღალატებდა.
ახლა სადღაა ის ესკადრონი…
მტერზე მიტევა…
შებმა დასებად…
… ზოგჯერ თავლაში მოდის პატრონი
და… ძველ ბრძოლებზე ესაუბრება…