0 216

ფანტასტიური იმპერატორი


ჰაერი სავსე საღამოს ყინვით
და მოვარდნილი ფიქრის გორები...
ავსებენ ჰაერს იდუმალ გრგვინვით
ფანტასტიური ორატორები.

და მიტინგები იყო მრავალი,
რომ ბედის მონა და უმადური
მისდევდა ჰაერს, ცად მიმავალი
ფანტასტიური იმპერატორი.

შეკრებილიყვნენ ყრუ და მუნჯები,
მათი თითებით მეფის ხსენება
იყო გრიგალის და გაურჩების
ფანტასტიური გადაჭენება.
კომენტარები (0)