ა, იმ მთაზე თოვლიანზე..
გაზაფხულდა, დაიქუხა... უკვე დროა ავღიღინდე, ჩემმა გულმაც დაიძახოს, ბალახივით ბიბინდეს. ხან შხაპუნა, ხან ჟუჟუნა წვიმა მცემდეს, მაოცებდეს, ლექსის ხეში წყალი ჩადგეს, სიყვარული აღმოცენდეს! მხარი გამკრას, თავს დამკივლოს: ბიჭო, ხომ არ მოიქანცე? ერთხელ კიდევ აგვერბინოს ა იმ მთაზე, თოვლიანზე... ვერ გაგესწროს, წინ დაგიხვდე, თოვლზე იად დაგებნიო, თუ გაგესწროს, ვარდად ვიქცე, თოვლში ვარდი გაკრეფინო. გამექცე და ვერ გამექცე, გზა მოგიჭრა, გაგეფინო, ჩემი ლექსის ფიანდაზზე ირემივით გაგერბინოს!
© POETRY.GE 2013 - 2024
@ კონტაქტი
0 კომენტარი