...მთვარე გაჩნდა და მის ლანდად
მთვარე გაჩნდა და მის ლანდად თქვენ გამოჩნდით, მთებო. ეს ცხოვრება დაიბლანდა რა მაქვს საოცნებო: შორით მოჩანს ობელისკი ქარი ჭადარს ღუნავს, თვითონ წუთისოფელიც კი დიდი ტანჯვით ბრუნავს. შენ გამოჩნდი ცით, მარიამ, უფაქიზეს ვარდად, ეს ქვეყანა სიზმარია – ჩანს ყოველი ლანდად. შორით ვუმზერ ტყეს გაუვალს არის ნამი დილის, და ვერაფრით ვერ აუვალ წუთისოფლის ბილიკს. განა სხივებს გამოლევენ მთვარე მოჩანს ახლა და სიცოცხლის ამ მოვლენებს კვლავ სიკვდილი ახლავს.
© POETRY.GE 2013 - 2024
@ კონტაქტი
0 კომენტარი