ანატომიური თეატრი

ერთი ფილტვის ჟანგბადი ამოგაჭრეს,
ქვეცნობიერიდან _ პორნოფილმების მასალა,
ე. წ. “გულის სიმები”
ფეხის ძარღვებით შეცვალეს,
თირკმელიც ხელს გააყოლეს,
ქირურგისთვის სულერთია
კენჭს ამოჭრის, თუ ემოციას...
რაღა დაგრჩა?
ნევროზი _ ტროის ცხენი,
მოშიებულზე რომ კონსერვის ქილასავით
გახსნი და იქიდან
დაწნილებული ბრინჯაოს მხედრები
ამოვარდებიან, მარმარილოს ხელები,
რომლებიც ცნობილ ქანდაკებას აკლია,
ისე ლამაზად მოგახრჩობენ
და ტკბილად, თითქოს
შაქარი გადაგცდა სასულეში...