გადმოწერა: PDF

ოთარ ჭილაძე - ფოტო

მწერალი, პროზაიკოსი, პოეტი, დრამატურგი

გზაში, კუპეში, ბორბლებზე, ღამით ..

გზაში, კუპეში, ბორბლებზე, ღამით,
მე ვიც ერთი: ვიძენ ან ვკარგავ.
და კიდევ ერთი: ეს დღე თუ წამი,
გამახსენდება როდისმე კარგად.

ახლა კი იჯექ და ქიგნი ფურცლე,
განმქარვებელი სევდის და რულის,
სანამ სოროდან გამოვა უცებ
სადგური თავის საკუთარ სუნით.

სარკმელს გარედან აწყდება ბოლი
და ბოლში ჩვენი ლანდები თრთიან...
მე მიყვარს ყპფნა უცნობებს შორის,
ისინი კაცად მაშინვე გთვლიან.

მათ არ იციან, რამეს თუ წერდი,
ან თუ ზედიზედ იღებდი ვალებს
და, როგორც შემხვედრ ორთქმავლის ელდა,
ისინიც სადღაც ქრებიან მალე.

რაც მთავარია, არაფრით არ ჰგავს
ჩემს ჩვეულებრივ ყოფას ეს წანუ
და სულერთია, ვიძენ თუ ვკარგავ
გზაში, კუპესი, ბორბლებზე, ღამით...

წყარო: litklubi.ge