მორიგმა ღამემ ვეღარ განჭვრიტა ..

მორიგმა ღამემ ვეღარ განჭვრიტა
ეპოქა ბეწვზე გადარჩენილი
და ლოჯიაში ღია ფანჯრიდან
მზე შემოვიდა მამაჩემივით.

ისევე როგორც ექიმებს – ხეებს
ხალათებივით თოვლი ემოსათ
და მაშინ მივხვდი რომ არ მენახა
არსად – ამგვარი დილის შემოსვლა.

ფიფქით ივსება ზამთრის არქივიც,
თოვლს უშენს ზეცას ბავშვი თავნება,
ბურთი ბრუნდება ბუმერანგივით
და თითქოს უფალს ეგუნდავება.