შიო არაგვისპირელი - მწერალი

შიო არაგვისპირელი - ფოტო

შიო ზაქარიას ძე არაგვისპირელი (ნამდვილი გვარი დედაბრიშვილი) დაიბადა 1867 წლის 4 დეკემბერს (16 დეკემბერი), სოფ. ქარისხევში (ან თანდილაანთკარი – ახლანდელი დუშეთის რაიონი) ღარიბი მღვდლის ოჯახში.

სწავლობდა თბილისის სასულიერო სასწავლებელში (1877-იდან), შემდეგ (1883-იდან) თბილისის სასულიერო სემინარიაში. 1887 დაუახლოვდა რევოლუციურად განწყობილ ახალგაზრდობას, რისთვისაც სემინარიიდან გარიცხეს და მხოლოდ ორი წლის მერე აღიდგინა თავი; 1889 დაამთავრა სემინარია და 1890-იდან ვარშავის საბეითლო ინსტიტუტში განაგრძო სწავლა.

პოლონეთში ყოფნამ, იქაურ მოწინავე ახალგაზრდობასთან ურთიერთობამ კიდევ უფრო მწვავედ აგრძნობინა საკუთარი სამშობლოს მწარე ხვედრი. 1893 ქართველ სტუდენტებთან ერთად ვარშავაში დაარსა “საქართველოს განთავისუფლების ლიგა”, რისთვისაც სხვებთან ერთად დააპატიმრეს. იყო ჯერ ვარშავის, შემდეგ ქუთაისის ციხეში. 1895 წელს დაამთავრა ინსტიტუტი, დაბრუნდა საქართველოში და ბეითლად დაიწყო მუშაობა. ამ წლებში ბევრი ხელნაწერი დაეკარგა, მარტო ერთი “მოგონება” დაიბეჭდა 1890 წელს “ჯეჯილში”.

შიო არაგვისპირელი გარდაიცვალა 1926 წლის 2 იანვარს, თბილისში. დასაფლავებულია დიდუბის პანთეონში.

წყარო: burusi.wordpress.com