თამაზ ბაძაღუა - ფოტო

თამაზ ბაძაღუა

პოეტი, დრამატურგი

0 688

ჩემი ცრემლები ამ თვალების იქით გრძელდება..


ჩემი ცრემლები ამ თვალების იქით გრძელდება,

ჩემი სიმღერა ამ ბგერების იქით გრძელდება,

ჩემი ღიმილი ამ ტუჩების იქით გრძელდება,

სუსხი რომ აზრობს, როგორც ხის ქერქს შემოდგომაზე.

ქერქივით მაკრავს ეგ ღიმილი, იმ ქერქის შიგნით

ნაღველში ბრუნავს სისხლის შესაძლებლობა,

ან იქნებ მხოლოდ ფუჭი ნატვრაა... ჩემი ტკივილი

ამ სხეულის და ამ სიტყვების იქით გრძელდება.
კომენტარები (0)