კონცერტი: ბრამსი, რაველი , ვაგნერი

გრძელი და მათრობელა, ვით რაველის ბოლერო -
ფოიეში „მზიური“ მეც რომ გავაბოლე! რო
გავაბოლე! რო გავაბოლე! რო გავაბოლე! რო
გავაბოლე! რო...
ჩემს წინ ამოიზიდა მთები, მაგრამ რა მთები!
თვალწინ გადამეშალა ველი, მაგრამ რა ველი!
ბრამსი! მაგრამ - ვაგნერი? მაგრამ - მორის რაველი?
წვიმა წვიმდა ისრისა... ისრით მოისრა ველი...
მე რომ ზოგჯერ მაბრაზებს - ფიქრობს, იბრძვის ის ერი!
გმინავს უვერტიურა ბრძნული „ტანგეიზერის“,
მე კი კვამლის სპირალში მაგონდება ბოლერო:
ეს სულ იმის ბრალია, მეც რო გავაბოლე! რო
გავაბოლე! რო გავაბოლე! რო გავაბოლე! რო...

წყარო: litklubi.ge