თეა თოფურია - ფოტო

თეა თოფურია

პოეტი, ჟურნალისტი და რედაქტორი

ეს გული სულ ზუზუნებს ..

ეს გული სულ ზუზუნებს.
მეგობრები რაღაცას მეუბნებიან,
ვიღაცები საქმეს მავალებენ,
მე კი არაფერი მესმის ამ ხმაურში,
ამ განუწყვეტელ ხრიალში
და სიზმრად მოარულ ხალხს ვეკითხები:
„რას ნიშნავს, როცა ცხადში თეთრი კაბა გაცვია?“
ისინი კი მპასუხობენ:
„ეგ ზოგჯერ ცხადშიც სიკვდილს ნიშნავს,
მაგრამ ცხადი...
ცხადს რა ჭკუა აქვს!“

წყარო: litklubi.ge