ბრმად მლოცველებმა

ბრმად მლოცველებმა
ამაყი რწმენის ალესილ ფრჩხილებით 
თავისუფალთა ღირსება დაკაწრეს 
და მონათლული შობისას შვილები

სამგლოვიარო თავშლებში აღზარდეს,
მოინანიეს ისეთი ცოდვები,
რომ ღვთის წყალობა დალიეს ბოლომდე,
მარმარილოთი,რკინებით,ბროლებით,

ცათა შეწევნით სამყოფელს გლოვობენ.
მბრძანებელთათვის მონობენ მონები,
მაგრამ მეფენი მონათათვის კი არ მეფობენ...
თქვენ ბრმად მლოცველნო,სიწმინდე გაცდენთ

თაყვანის ღირსი,
რადგან არ იცით,რომ ცოდვილთათვის აგებენ ტაძრებს
და არა ღვთისთვის.

წყარო: www.gpoets.com