ეს განცდა ისევ საზღვარს გასცილდა ..

ეს განცდა ისევ საზღვარს გასცილდა
და მე ვფიქრობდი სხვანაირ ბედზე.
ვიღაც ბრუნდება ახლა ვაგზლიდან
და ახღა ვიღაც ადის კიბეზე.

ის კაცი გაჰქრა და ვიღაც არის,
იქ აცილებენ შორეულ ცხედარს.
იქ, სადღაც.ბაღში შეიჭრა ქარი
და სადღაც ბავშვი ეძახის დედას.

და იქ წუხილი უფრო გამეფდა,
მე სხვანაირი დაღუპვა მელის.
და ასე მიდის ჩემი ცხოვრება,
და ასე მიდის ცხოვრება ნელი.

წყარო: www.gpoets.com