წარსულის ბაღებში ჩიტები სხდებიან ..

წარსულის ბაღებში ჩიტები სხდებიან
და მწითურ ნათელში აფენენ ჰანგებს
გაიგე? ეს მხოლოდ ჩიტების ხმებია
თუმცა შენ არ ჰგავხარ ამ ჰანგის გამგებს.
მეც ეს ყველაფერი გიამბე განგებ
რომ მეთქვა რაიმე _ არ ვიცი რისთვის _
ბავშვებზე, ბაღებზე, გინდ _ ბაღის გამგეზე,
ადრე რომ ცხოვრობდნენ, იმ დიდი ცის ქვეშ,
იქ, სადაც ტოტებზე ჩიტები სხდებოდნენ
და ჟასმინის მსგავსი პატარა გოგო
რაღაც საიდუმლოს ანდობდა მეგობრებს:
მეც მათში ვიყავი _ არ ვიცი, როგორ.

წყარო: litklubi.ge