სანამ მოსახდენი მოხდებოდეს

სანამ მოსახდენი მოხდებოდეს,
სანამ დასაღვრელ სისხლს დაღვრიდე,
ფრთხილად არაფერი ოხრდებოდეს,
თვალი გამალებით დაჭყიტე,
გახედ-გამოხედე არე-მარეს-
ცოლი საყვარელში არ გცვლიდეს,
წახვიდ-წამოხვიდე რომელ მხარეს,
ასჯერ გაზომე და განსჭვრიტე,
თორემ მოსახდენი თუ მოხდება-
ხელში გაგიძვრება საუნჯე,
გიჯობს უთავბოლო ამბოხებას,
თვალი დახუჭო და დამუნჯდე.