გიორგი გობეჯიშვილი
პოეტი
„მზე იცინის,ვარდფურცლობის დარია...“
(,,მზე იცინის,ვარდფურცლობის დარია
და შენს ქოხთან გუგუნია თელების“...
ანა კალანდაძე)
,,მზე იცინის,ვარდფურცლობის დარია...“,
ღიღინია მობუბუნე ველების...
გვირილობით გული გადამერია,
ტრფობა მიპყრობს მწვანე-მწვანე სერების...
ვანი გულის ჯერ ვერა მიპოვნია:
სიჭრელეა ნაირ-ნაირ ფერების...
ვარდფურცლობის დარი დამილოცნია,
აწი აღარც მეშინია დეკემბრის!
შორი გზიდან მოირწევა ქარია:
სურნელება მოაქვს მწვანეთ-ველების...
,,მზე იცინის,ვარდფურცლობის დარია
და შენს ქოხთან გუგუნია თელების“...
კომენტარები (0)