0

სიზმარია თუ ცხადია?!


სიზმარია თუ ცხადია,
რაც ჩვენს თავს ხდება,ნეტავ?
ბოროტია თუ ავია,
სიკეთეს ებრძვის ერთად...

სინათლე ბნელმა მოიცვა,
მთებს აღარ სტუმრობს ნისლი...
ტყეში სიმღერა გაისმა_
სამგლოვიარო რიტმი...

მოყვარე მოყვარესა გმობს,
მტრობა ჩამოწვა ჩვენში,
რუ მინდორს დაუნდობლად სპობს:
წყალს აღარ ასმევს პეშვით...

პატიება და შენდობა
გამოდგა რთული საქმე,
თეთრს არ არჩევენ შავისგან 
ნიღაბი მალავს სახეს...

მამა-პაპათა საყდარზე
მუმლი ერევა მუხას...
იმ ვაჟას არწივს ყორანი
კვლავაც დაუგლეჯს გულსა...

სიზმარია თუ ცხადია,
ცხოვრების ასე ტრიალი,
ვერ გამიგია:_სიკეთე,
რატოა ჩვენში მტრიანი?!.
კომენტარები (0)