0

სარანგი ამური


მამბერ იესო დავით გიორგი იოსებ ვახტანგ ნიკოლოზ ჯგრაგიმ -
ნათლის შვიდ სვეტის მეუფებამან და მტვირთველმამან ცეცხლოვან ჯვარის:
ჩავიცვი მზისა მზიურ სხივებით ამოქსოვილი ჯაჭვის პერანგი,
ტანზედ ავისხი მთვარებრ ელვარე ფარ და ჯავშანი ურღვევ აბჯარის...

შემიბეს ანგელთ ოქროს ეტლშიგან ფაფარაშლული ოთხი მუსტანგი
და მომაწოდეს მძლე მარცხენაში ოქროს სადავე ღმერთთაღმერთ ქრისტეს,
მაღალ მეუფემ დავიდგი თავზე მზის მუზარადი მრისხან სარანგის -
მგე მარჯვენიდან ვისვრი ლურჯ ელვებს რომლებიც ქუხან სიჭეშმარიტეს...

მოვაქროლება დიდებით კაზმულ ქარიშხლისფრთება უსწრაფეს მერნებს -
ორლესულ მახვილ ზე შემართული მზისშუბოსანი მეფეთამეფე,
მინდა ვაჩუქო ბედის ჰუნენი თეთრი სულისა ზეციერ მხედრებს -
ოქროსფერ მზიდან ოქროს ჩირაღდნით ღვთიური ცეცხლი მომაქვს ცის სეფეს...

ქვეყნად დაკარგულ სულით მეომრებს - მუქლურჯ ღვთისმშობელს ვინაცა ესავთ -
ცათა ცის ცასთან გულთ საქორწილოდ გამიჯნურებულთ გეპატიჟებით -
სასუფეველში ოქროს ტაბლაზე უფალთან ერთად რომ გრძნობით შესვათ -
უუძველესი წითელი ღვინო ოქროს ცეცხლოვან აზარფეშებით...

ეშმაკთ ძირს დასცემს - ლოცვა მთებს დასძრავს, ვინ აიღებთ ხელთ უქარქაშო ხმლებს,
მზის სადიდებელს ვინ იტყვს გულიდან, ვინ გაყვება ღმერთს ლოცვებით ცისკენ,
გულის ცხრავე ცის ცხრავე სატანას ძლევით თვის ფერხთით ვინ დააჩოქებს,
ულაშქრავთ ცანი იერიშითა გმირებს მიმავალთ მარადის ღმრთისკენ...

თავისუფლება არწივთ ხვედრია, არ შეედრება ჩხავილთ ყვავ-ყორანთ,
ახასიათებთ თავგანწირულთ ან სიწმიდით მსუფევ სამოთხის გვრიტებს,
ვითარცა მეფეს შენც ისევე გმართს მამულისათვის აღდგე საბრძოლად,
თუ მერწმუნები დღეს შენ ხარ ძმაო სამშობლოსათვის მებრძოლი ქრისტე...

-

ვაქცინაცია ჩიპიზაცია ო არ აცდება გადამთიელებს,
მივაჯოჯოხებ ვინც უსმენს მაცდურს და მიენდობა ცრუ მეცნიერებს,
უუბასრესი და ცეცხლოვანი ჩემი მახვილი მზისებრ იელვებს -
ვითარცა მეხი ჭექა-ქუხილით თავს დავატყდები გულით ცბიერებს...

ვეფხისტყავ მხრებზე შემოგდებული მოყმე მზეთამზე გლადიატორი -
გრიგალისებრი გრგვინვა-გრიალით მოვაგელვება ცეცხლისმფრქვევ ცხენებს,
რქიანსა ქაჯებს დავუხვრეტ შუბლებს ცეცხლის დაშნით ვით ტორეადორი -
ვერ გაექცევა ვერსად ვერავინ ცეცხლის ღმრთაების ლესილ ხმლის ენებს...

-

ოქროს საყვირთა მეგა ჰანგები - ისმის გუგუნი ცის სამრეკლოსი 
და ვეგებები წამწამხამხამა ცეცხლის ალიონს წითლად ხასხასას,
გამარჯვებული ვდგავარ მწვერვალზე ძლევამოსილი მზის ანგელოსი
და სიელვარე სხივთა ეცემა მი სისხლისფერად მბზინავ მოსასხამს...

-

კაცი ხელახლა უნდა იშვას და სულმ განიცადოს ფერიცვალება,
რომ მოეკიდოს წმიდა ალები ცეცხლოვანი მზის სხივთ ემბაზების,
ქვია სახელად ქრისტეანობა პიროვნებათა იდუმალებას -
იბერიაში იბადებიან მარადის გულით ბუმბერაზები...

-------

გულის შარავანდს - გადაგრაგნილსა მნათე მზეთამზის სხივთ მარმაშებით -
ვეტრფი ცათა ცის კრისტალ ჩანჩქერებს და სამოთხისფერ ოქროს ლაჟვარდებს,
თეთრი ამური ვქრივარ ზეცაზე ჩემი ზღაპრული თეთრი რაშებით
და სულით ლამაზ მშვენებათათვის ვისვრი ხელიდან სისხლისფერ ვარდებს...

-

მაღალ მწვერვალზე მიტოვებული სიყვარულისა ვარ ეკლესია,
მელანქოლიურ ლურჯი ჰანგებით ანგელოსები ჩემში მღერიან,
ფრთათეთრი ქარი მეალერსება თეთრი თითებით გულლურჯ მესიას,
უელვარესსა ვეთაყვანები მზეს სიყვარულის ოქროსთმებიანს...

მშვენიერების წმიდა სამეფო, ცად ვარსკვლავების კელაპტრებია,
მი დანახული სიფაქიზეთი და სილამაზე ლურჯი ფერია,
თეთრ გაზაფხულის სიიისფრეთის ლურჯი ნოტები მენატრებიან,
თოვლის ფიფქების მელოდიები მითოვენ თვალებს ჩემო ფერიავ...

უძირო სიღრმის ჩუმი გამა და უსაზღვროდ ნაზი ლურჯთვალა ზეცა,
ფრთაებშესხმული ლურჯი ლოცვები უთეთრეს მთვარეს შენავედრები,
სპეტაკი სულით აყვავებული მე შენში მიყვარს ჩემო პრინცესა -
აზამბახებულ ღამის მშვენება ლურჯი ალებით ნახავერდები...

თავბრუდამხვევი სიყვარულისა სიმსუბუქეში ფრენენ ფრთაები
და მელანდები მანათობელა ამარტისფერი იმპერატრისა,
მუქლურჯი სულით რწყმული ზეციურ უსაბამოო სულსა ღმრთაების -
წითელ რიტმებით გეტრფიალები უუნაზესსა თვალსა ნატვრისა...

ხალთა სამება გაჩნია ღაწვზე სულმოკაშკაშე წითელ ყაყაჩოს,
უცეცხლოვანეს სინაზით მკული სინატიფეთით მწვავ იდუმალი,
წითელ ზეცამდე დაველოდები, რომ მზიურ მზერით გული დაკაწრო,
ერთი სული მაქ სათუთ სახეზე გხადო პატარძალს ძოწის ვუალი...

ვარვარე მზეო მწველი სხივების თვალებს სინაზედ შემოსეული - მაგონებ ქალღმერთს რომელიც მდაგველ აღვიძებს ჩემში განცდებს საფერებს,
წითელ კაბაში გამომწყვდეული ეგ ავაზური შენი სხეული -
ცეცხლოვან ტრფობის ალთ მიკიდებს და ვით ხარს კორიდა ისე მაქეზებს...

მაქეზებს ბრძოლად რომ მტერს დავეცე წიქარა ხარის გაქანებებით
და გავამტვრიო რვალივით მაგარ საქაჯეთისა ცხრავე კლიტური,
საბამისეულ მეძავს და კუროს მსურს შევერკინო ციერ ცნებებით -
მსურს მოვიხვეჭო მეათასეჯერ თეთრმა რაინდმა გმირის ტიტული...

თავზე დაგადგა ოქროს გვირგვინი გამშვენებული წითელ ლალებით -
მსურს დაგანახო სილამაზეთი სასუფეველის ლურჯ მწვერვალების,
მინდა ვიხილო სიყვარულითა აკიაფება შენი თვალების
და გაგაქროლო ოცნებისაკენ შეუდარები ღვთივბრწყინვალების...

-

უიდუმალეს ციერ ქალღმერთზე თავდავიწყებით შეყვარებული -
მიჯნურთმიჯნური მარადი ბავშვი შენ და ვარსკვლავებს გეთამაშებით,
სად სიყვარულის მზიური სულით არის ყოველი გაბრწყინებული -
მსურს გაგიტაცო იმ დიდებისკენ ლეგენდარული თეთრი რაშებით...
კომენტარები (0)