2 2 1439

DORIAN

.           
.             👑ლეგა კორინთელი👑
                                ...
მსურს მოვუდრიკო მუხლი ქარიშხლებს,

        ავამქუხარო გზნება ფარული,

 მწუხრის ლანდებმა გული დაფლითეს,

      ამოაგლიჯეს სულს სიხარული,

   ლაჟვარდს გადაღმა წყვდიადმა ავმა,

       შემომაძარცვა განცდა ალური,

     და უკვდავების მდუმარე კართან,

     ლაღად ჩარაზა გზა სიყვარულის,

მსურს მოვუდრიკო მუხლი ქარიშხლებს,

         ავამქუხარო გზნება ფარული,

მწუხრის ლანდებმა გული დაფლითეს,

       ამოაგლიჯეს სულს სიხარული.   

                                           
                              👑ლეგა კორინთელი👑                    
                                                ...
       ასდით დარდის ოხშივარი ქარით ნაგვემ იარებს,

დილის ნისლით შემკობილი განცდა ლაღად კრთიალებს,

   აშრიალებს ფერმკრთალ ალვებს და მიმაფრენს მზისაკენ,

           შენი სულის ელვარება, შენი სულის სინაზე,

       ასდით დარდის ოხშივარი ამ ჩემ ნაგვემ იარებს,

      აქ ამ გულში ჩანაცრული განცდა ისევ ბრიალებს.         

             👑ზღვარზე👑
                        ...
იმ ძველი წლების მწველი ნათება,

ნამეხარ დღეთა ზმანება მძაფრი,

მოდის დარდებად მოიხართება,

როგორც აშარი თავნება ქარი

და დღეთა სევდა ისევ მძაფრდება,

ფითრდება მზე და ვარამი შავი,

ქარიანს სულზე ამდის ალებად,

როგორც ნახანძრალ მთაწმინდას კვამლი.
                                           LEGA KORINTELI

         👑ნირვანა👑
                  ...
როგორც ციურ ლაჟვარდში, 

გადამქრალი ალალი, 

თვალწარმტაცი ნავარდით, 

სულში შემოკამკამდი, 

გამიტაცეს ხილვებმა,

ფერად სხივთა დინებამ, 

ლეგა ნისლებს მიჰყვება, 

ცრემლთა არდარიდება, 

გზნება ისე მიღელავს,
 
ისე ელავს დიდება, 

სულს მოფანტავს სხივებად,
 
ლექსთა შემობრწყინება, 

როგორც ციურ ლაჟვარდში, 

გადამქრალი ალალი,

 ხარ წარმტაცი ნავარდით, 

სულში შემონავარდნი.
                                  2022წ.


.     👑ძველი სევდა👑
                   ...
 ჩაიღვენთა სულში სევდა 

ციურ ფერთა მშვენებით,

სიყვარულის მეხოტბეთა 

ცრემლით განახელები,

ელვს ზეცა მაგ თვალებში

ნაწამები ფერებით

და ირხევა წამწამები 

იდუმალი მშვენებით,

შენს სანუკვარ სასთუმალთან 

იღვრებიან ბგერები,

როგორც ნაზი სახსოვარი 

გარდასული დღეების.



             👑სრბოლა👑
                      ...
     დარდის ნაღვერდლით 

     დაღვენთილ განცდებს,

          დავამღელვარებ 

      ლაჟვარდზე მწუხრის

 და მოელვარე ქარებით სავსე

მწვავე  სინაზე იფრქვევა სულში.