ქუჩაა, მოსაშვილის

რა მოგიყვე?! ქუჩაა, მოსაშვილის.
უშენობას, არც მეტი, არც ნაკლები,
მივუყვები - ღამეა უსაშველო.
შენობები მიხდიან პარაკლისებს,

დანაკლისის და ვიღაც მეეზოვე,
აისორი, ან სულაც, არამზადა
მალაკნების უბნელი, იეზიდი,
გამისწორდა, ცოცხით და აქანდაზით,

აქაო და: თხა, თხაზე ნაკლები და
აკლებული მქონდა ეს ქალაქიო...
ათიოდე ნაბიჯი ოთხს უკლია
და ნაკლებად - აზრების დალაგება.

ბალაგანი, ფიქრების - უსაშველო.
უშენობას ლექსდალექს მივუყვები,
გალაკტიონ! ქუჩაა, მოსაშვილის.
შენობები... რა გითხრა?! რა მოგიყვე?!