კარლო კაჭარავა - ფოტო

კარლო კაჭარავა

პოეტი, მხატვარი

ოქროს ღამეთა მაქმანები..

ოქროს ღამეთა მაქმანები ღარიბ კოსტუმზე 
არ იბრჭყვიალებს, შორს დარჩენილ მამას 
მიმსგავსებულო, 
არც შენთვის აირეკლება ტელევიზორის 
ჩამქრალ ეკრანზე 
დილით შიშველი ქალის მოძრაობები კაბის ჩაცმისას. 
იოლად ვემშვიდობებით ერთმანეთს. 
არ გვიკვირს უსუსურობა, სიცხიანი გრძელი დღეებია, 
მოგზაურობა კინოებში ნანახ წვიმათა მოსახილველად 
ხმადაბალი საუბრების თანხლებით. 
შენი სამოსი სხვადასხვა დროთა 
ტოვებს გულგრილად საგნებს და გარემოცვას 
ანარეკლების მზერის 
დღის ცვალებადი დროის. 
აჰა, თითქმის არაფერზე წერ 
და თითქოს ცოტათი მაინც იბრუნებ ყველა ამ განცდას.