მანკი ისარი

ქარი ფანჯრებთან ნაკისკისარი
და დარაბების გახარხარება.
მანევრით მოჰქრის მანკი ისარი,
ცა ზურგშექცეულ გავხარ ხარებას.
მზე ვარსკვლავების ოქრომჭედველი,
პირღია მთვარის თეთრი მთქნარება.
კლიტე კარცერის ბოქლომმკედველი,
ღამის სიჩუმეს ერთვის ქნარება.
ზამთარი მოდის ციგა-ცუგებით,
ნაზი ნამქერით ნიავნარები.
გაზაფხულისკენ მიგაცურებდი,
ახალ და ძველი იანვარებით.