უჯარმის ციხესთან

სტუმრად ვიყავი კახეთში,
მოკლე გზით წაველ სახლშია,
უჯარმის ახლოს ციხესთან,
წვიმამ მომისწრო გზაშია.

მანქანა დავამუხრუჭე,
თვალი მოვავლე ბუნებას,
ლამაზ ხევ-ხუვებს შევყურებ,
ვერ გავექეცი ცდუნებას.

ქვემოთ ბობოქრობს იორი,
თოთო ბავშვივით ურჩია,
სხვა ციხე-სიმაგრეებთან,
უჯარმის ციხეც ბურჯია.

უცებ ფიქრებმა წამიღო,
თვალწინ დამიდგა წარსული,
ქართველი ხმალაღმართული
და მტერი მიწას გაკრული.

თვალწარმტაცი ხარ სამშობლოვ,
ჩემო ზღაპრულო მხარეო,
შენმა შემყურე  მოხუცმა,
რარიგად გავიხარეო.