0

სანამ გიბია კარზე ...


სანამ გიბია კარზე ულაყი,
უღელში – ხარი, კვალში – გუთანი...
კედელზე ხმალი და ზამბულაკი,
მაშასადამე, გაქვს საყუდარი...

სანამ ჯერ კიდევ ამბობ, – ნახვამდის! –
სვამ და უგონოდ სანამ არ თვრები,
სანამ აუბნებ ენას ლაქარდით,
და, ესე იგი, მოემართები...

მოდიხარ, სანამ მოექანები,
სანამ ანბანი გაქვს საკუთარი,
გაქვს მშობლიური სანამ გარემო,
მაშასადამე, გაქვს საყუდარი...
კომენტარები (0)