0

მთვარის საღამო


იხევა ქარით ნისლების ბლონდი,
წვიმა ირევა, ცაო, ნახვამდის.
ვეფხვის პროფილით თქვენ მომაგონდით
და ძერასფერი კოშკები ხადის.

წელში გადახრის წამწამებს ქარი...
თქვენ თუ პოეტის გულს დაინდობდით,
გულს მოაშორეთ ქარი აფთარი...
წვიმა ირევა... ცაო, მშვიდობით...

როგორ მინდოდა, როგორ ვნატრობდი,
თქვენთვის ხავერდის მსურდა მინდორი.
ირევა წვიმა... მე მოგელოდით,
მაგრამ ამაოდ... ცაო, მშვიდობით...
კომენტარები (0)