რუსოფილია

ზოგი კბილია, ზოგი ღრძილია,
ზოგი უბრალოდ იმბეცილია.
ზოგი ტილია, ზოგი წილია, 
ზოგი დამპალი ნეკროფილია.

ვირმა რა იცის, ხურმა რა არის,
ღორმა რა იცის, ის რა ხილია.
დედა არა და დედობილია,
მამა არა და მამობილია.

რაც გააკეთე, ის წინ დაგხვდება.
კონტრიბუცია შენი წვლილია.
თუ სასიკეთოდ ძალა დახარჯე,
ეგ ძალისხმევა ლომის წილია.

შენ კარგად იცი ეს რა ხილია, 
მთავარი ხშირად შეძახილია.
წიწამურთან რომ მოკლეს ილია...
დაგმე ბინძური რუსოფილია!