მონიკა

შენი მშობლების ქორწილში ჟღერდა 
ხან იამაჰა, ხან იონიკა.
როდესაც გაჩნდი, მათ გადაწყვიტეს, 
რომ დაერქმიათ შენთვის მონიკა.

აპარატები ეჭირათ ხელში
ხან კოდაკი და ხანაც კონიკა.
გაიზარდე და ნაით ქლაბში მისულს
შენ შეგიყვარდა ელექტრონიკა.

სასწავლებელში კარგად ისწავლე
კარტოგრაფია და ტექტონიკა.
სხვადასხვა კურსზე შეისისხლხორცე
ეუგენიკა, ეუფონიკა.

ინსტაგრამი გაქვს, უცხოა შენთვის
ფეისბუქი და მისი ქრონიკა.
სერიალების გამო დაგარქვეს,
სახელი შენი, ჩემო მონიკა.