წაკითხულის შინაარსი

წყევლაა, თუ კრულვა არის,
თვალია, თუ რაღაც თარსი.
დაჟინებით არ გამოგვაქვს
წაკითხულის შინაარსი.

საზეპირო დავიზუთხეთ,
ჩვენი ცოდნა არის ფარსი.
გვიჭირს, ვერაფრით გავიგეთ
წაკითხულის შინაარსი.

ასო-ბგერა იმისია,
რომ გადმოსცეს აზრი, არსი.
სცადე, იქნებ შენ გაიგო
წაკითხულის შინაარსი.

მიდი, აბა შენ მითხარი
ოინია, თუა მარსი.
ხომ გითხარი, ვერ გამოგვაქვს
წაკითხულის შინაარსი ;)

#წაკითხულისშინაარსი