მანდილოსანი

მანდილოსანი,
გავიდა "გაღმა" შვილების გამო,

მუშაობს ქარში, წვიმაში
ბენზინგასამართ სადგურზე,

მოდის კლიენტი მძვინვარე,
მდიდარი, ფულით მძინარე,

ემსახურება მას ქალი
თავმდაბლად, შვილით მღვიძარე,

ფიქრობს, რომ მალე წავიდეს
იკავებს ცრემლის მდინარეს,

ფულს მანქანიდან გადაუყრის,
როგორც მონასა მოლარეს,

თვალებზე  წასკდა ცრემლები
დამცირდა მარტოდ მდგომარე

შვილების გამო უთმენდა
დედა, სამყაროს მშფოთვარეს.