ბაბუ❤

გოღა ბაბუქ ქნწომძახუ ყურუმ სერი რდუკო ოკო, ქობთხუ, ყებურს მუშ ხოლოს მალას ქეკიბჯორკიკონ.
 
უკმელარდნ მურდუ მამიჩქ, მალას მებრთკო ოკო.
ხე ქეწიბშკვი, თე უკმელას ჯორკოქ ვეწმაღორკონ.

ქობთხუ,დრჩქალ  ვებურგონა, ვანწარღვავა კათა.
 მურე ბაბუ მუშენ ვარლურს, მუ გოთაკილ აკა.

თაკილობათ ქუმოთაკილ ბაბა ართი მუთუნ, მთელ მთლ სერისე ბფიფქენქინდო აზრებქ ქაწომბურთუნ.

 მუჭო თქუა ჩქინი ჯვეშიქ ღორონთს თეცალ მუ თხუ? სამარგალოს წყარუ დო დიხა თეცალ გიშაურთუნ.

მუმიჩქ  ბაბუ მუგიწუენ ღორონთიშ ხე მუთ რენ. წყარი დო დიხა ვაბხვადნანო? 
ჩქინ ჯვეშ ნაჭირ მუთ რენ. 

იმგარდით დო ბზურზულანდით გიბსოფანდით ღართის, ჟირ სკუას მობჩიტოლუნდით დო მიდამღანდეს ართის. 

 მისუჩქ ჩქინი და-ჯიმალეფ თურქიშ მაფაშ კარშე, მუსხიშარე მიდაღალირ  ანარკიაშ ზღვანე? 

მარა იშენ ქუგუარძით, მტერიშ თოლიშ ყამათ.
 ჩქი მორდუეფ დუაფასანთ თქვან 
უფი დო ხანდას. 

ქანმოჯინ დო ქანმოძიცუ, ვაუთქუალ მუთუნ სათნოშ თუთუმს მუმულ ნორცხვა ქინოდ ჟი დო ბუთქუნს.

 ყებურ ლანჯიშ სვარილ დიშკაშ ბოლო ნონწკერს თუთქუნს, თუთუმ ქაწიჭუბურუდო უჯინ ბაბუქ მუ თქუნ: 
სამარგალოშ დოწუმილ ზისხერს ოკო ბაბა ჯუნა, ვარა სკანცალ მელერსეეფ ანთასობით პუნა...