წახვალ, მე მოვალ

დანისნულ ხევებს ვიყვარებ
და საიდუმლოდ ვინახავ ადგილს,
წახვალ -
მე მოვალ,
ყუროს წვერებში დამეკარგები,
ზურგსავე უკან
დამემალები.

მთის მარტოხელა სულებს ვიხმარებ,
გამალებით რომ დავეძებთ ქმნდადობის
მანდილს.
წახვალ,
მე მოვალ,
გზა-გზა მოყვრად დაგელანდები,
დამინახავ და
დამემალები.

მე თან ვატარებ ნაცნობ რიჟრაჟებს,
ერთადერთ სიტყვას დამიტოვებ 
ლოდინით აღვსილს.
წახვალ,
მე მოვალ,
გამუდმებით დაგემგზავრები,
რა საჭიროა, მაგრამ მაინც
დამემალები.