აღდგომა

დასაბამიდან რომ აქამომდე
მაისის ვარდებს ეკლებით კრეფდნენ,
ვარდები სურნელს მუდამ ამბობდნენ,
და პოეტები სიყვარულს წერდნენ.

მძვინვარდებოდა სატანა მუდამ,
როცა მაისის ვარდი ხარობდა,
გეენას მისი გათელვა სურდა -
ვარდი სიყვარულს მაინც ამბობდა.

გაზაფხულს ვარდი ესურნელება
და დრო მოსულა აქ არწივების,
მალე უღრუბლო დღე გათენდება
ახლად აღდგომის და გაბრწყინების!