აღარ გაჩერდეთ ქართველებო

აღარ გაჩერდეთ ქართველებო, 
მხოლოდ წინ წადით,
ვერავინ სხვა ვერ უპატრონებს 
ამ თქვენს სამშობლოს,
საქართველო ხომ ჩვენ გვებოძა 
მუდმივი ვადით,
და მისთვის დაღლა სამუდამოდ 
ღმერთმა გვაშოროს.
ნუ შეშინდებით ქართველებო - 
უფალი გფარავთ,
თქვენს სამუდამო მიზანთან ხომ 
უკვე ახლოს ხართ,
ამ გზაზე ლოცვა წინაპართა 
თქვენ დაგიფარავთ,
გახსოვდეთ, მათგან განვლილ გზაზე 
თქვენ მყარად დგახართ.