დაისის ტალღები

დაისის ტალღებს ქარი წამოშლის
და ცის კაბადონს შეჰკრავს ღრუბლები.
ატორტმანდება ფეხქვეშ ხმელეთი,
გადმოსკდებიან ცის ნიაღვრები.

დავბადებულვართ არ ვიცი რატომ?
გაურკვევლობა ჩვენი მყოფობის,
ნაკლულევან დღის სისავსის ვეძებ
და ამიტომაც შენსკენ მოვილტვი.

ჩვენო შემქმნელო, დიდი მეურვე,
ასე როდემდე უნდა ვიწვალოთ?
რომ მოგვიწოდებ, ჩვენ არ მოგყვებით,
მიგატოვებ და მოგისაკლისებთ.

გაკვალულ გზებზე აჯობებს სრბოლა,
გაუკვალავის არ ვიცით ნირი.
ვინ თქვა, სიყვარულს არა აქვს ძალა
ან სასოებას არ აქვსო ფრთები?!