ყველგან გეძებე

თავსხმა მორეული ჩემი საზრუნავი
სეტყვად დატეხილი შენზე ფიქრებია 
მძიმედ მოსეირნე გატეხილი ლანდი
შენთვის საძებლენად ნიავს შეერია 

სად არ ვიყავი და სად არ დავიქროლე 
სად არ დავჭექე და ჭექა დამიცია 
წვიმაც მოვირგე და მთვარის ანარეკლიც 
იქნებ  რომელიმე მაინც შეგემჩნია 

უკან დაიხია ისევ მზის სხივებმა 
აი ისევ ღამე მოდის სანუგეშოდ 
შენზე ვერაფერი დღემდე ვერ ვუამბე 
სიტყვა არ შემომრჩა ერთი სანუგეშო

თავსხმად დატეხილი  ჩემი საფიქრალი 
სიტყვებს ვერ აგროვებს ბაგეს გამოეყოს
აზრებს მოკლებული  ჩემი  განთიადი 
სანამ გადატყდება იქნებ შეგვახვედროს

სად არ გეძებე  და სად არ დავიქროლე 
სად არ ვიწვიმე და ჭექა დამიცია 
იქნებ შენ იყავი ყველა ვარდის გაშლა 
მაგრამ სიყვარულმა მე არ შემიმჩნია