***


ასეთი ღამე ჯერ არ მინახავს,
უძინარ გონით რომანტიზმს ვყვები...
უცხო ქალაქში ტყვიებს ისვრიან,
მე სიმშვიდეში ვზივარ და ვთვრები... 
შუაღამეა.
სახლიდან ვუსმენ მყეფარე ძაღლებს,
ფანჯრიდან ვხედავ მბჟუტავ ლამპიონს -
კანკალს ატანილ ქალს რომ დანათებს გაცვენილ თავზე. 
თან ისე მშვიდად მოძრაობს სიო, 
სახლიდან ვერ ვგრძნობ, 
თუ როგორც ცივა.
მე ვზივარ, ვღელავ, ვეწევი, ვფიქრობ 
და სიმბოლურად -
საშველად გიხმობ.
0 კომენტარი

© POETRY.GE 2013 - 2024

@ კონტაქტი