* * *

უფალთან უჩემოდ არ წახვიდე,
მე აქ არ დამტოვო ცარიელი,
სიკვდილს გემო უნდა გავუსინჯო,
სიკვდილი არ მინდა წამიერი.
უჩემოდ ნაბიჯი არ გადადგა,
დღე არ დამიყენო საწყევარი,
მადროვე ცხოვრების ამოხსნა,
ჯერ არ გამივლია ნახევარი.

უჩემოდ არაფერი გადაწყვიტო,
ღმერთი არ გაგიწყრეს საფიცარი,
ქვეყნად გული აღარ დამილიო,
გთხოვ ,უგულობისგან დამიცავი.

უჩემოდ უფალთან არ წახვიდე,
ტვირთი არ ამკიდო ვერსაზიდი,
მალე გათბილდება დამიჯერე,
მალე გადაივლის ეს ამინდი!