შენი ქუთაისი ვარ

-ყველაფერს რომ იკადრებს,
შენ ის კაცი ხარ.
ახლოს არ გაგიკარებს,
მე ის ქალი ვარ...

-კლიტე მაქვს და იმ  კარებს
მაინც გავაღებ,
ღამით რომ შეგიფარებს და
ვერ გიდარაჯებს.

--წვიმაც გადაიკარებს,
განა რკინის ვარ.
ვინც გულით შემიყვარებს,
ალბათ, მისი ვარ...

-თავს გვირგვინი ვარ შენი
ცისარტყელათი,
შენი ქუთაისი ვარ და
შენი გელათი..

თუკი სხვისკენ გავიხედავ
ელეთ -მელათი,
თმას მომქაჩავს ქუთაისი
და ყურს გელათი.

-შენზე უფრო თამამია
ქუთაისის ქარი,
ვნებით კაბას ამიწევს და
თმას გამიშლის ძალით.

-თავს გვირგვინი ვარ შენი
ცისარტყელათი.
დღისით ქუთაისი ვარ და
ღამით გელათი.

სიბნელეში გზას გავიკვლევ
ძველი კელაპტრით....
რომ გაჩუქო ქუთაისი
მისი გელათით.

სხვა ქარებით დაბრმავებულს
მათრობელათი
თვალს ამიხელს ქუთაისი
და გულს გელათი.

 გავუყვები საფიჩხიას 
დილის დელათი.
შენი ქუთაისი ვარ და
შენ ხარ გელათი.