წითელი მოვის პერანგი

სიმღერაზე: წითელო მოვის პერანგო


შვიდი წყარო, შვიდი ქარი, 
შვიდჯერ თეთრი ღრუბელი,
ლელიანში მოგისწარი
წყალში სავსე წურბელით...

შვიდჯერ უფრო ალისფერი 
გახდა შენი ლოყები
შენი ცქერით დავითვერი
ვერსად რომ ვერ მოვყვები...

ცეცხლად ენთე ლერწმის ბაღში
მზეს იხვევდი აჩრდილით...
თითქოს თავად ევას ვაშლი
მომაწოდე გათლილი.

ნიავს ისე ახეთქებდი
ბაგის ქვემოთ ყელს და მხრებს
თითქოს ციდან ჩავქვესკნელდი
სურვილიც ვერ შეგახე...

კაშკაშებდი შვიდჯერ მზეზე
სანახევროვ შიშველი
ჰოი რა დროს დავიბედე
შენი მზერის გიშრები...

მოვის პერანგს სამი ღილი
ჩახსნილოყო ცა მყარად
დარჩენილი ოთხის წილი
კი იტევდა სამყაროს...

ირგვლივ რკალი შემოგარტყენ
და გმალავდნენ ლერწმები
მინდა თვალით ოდნავ წაგწვდე
ვცდილობ! მაინც ვერ გწვდები ....


შვიდი წყარო, შვიდი ღილი,
ლერწმებს ძირგამომპალებს,
სამი ღილის ჩემი წილი
კოცნასავით მოვპარე...