თენდება...თვალებში

თენდება თვალებში ცრემლი გაქვს,
წუხანდელ ბურუსებს ფანტავ,
ტკივილის სიმძიმეს გრდემლი ჰგავს,
თან ვნების სხივებიც გლანდავს...

სარკეში იწეწავ კრუტუნით,
ვნებისგან აბურდულ ქერა
თმის დალალს...და ღამის რუტინულ
ლამაზი სიტყვების გჯერა !

აზმორებ... და ვნება გასუსტებს
მოწყევტით ეცემი საწოლს...
იზომებ ღიმილით სტატუსებს
სიყვარულს, საყვარელს, ხან ცოლს...

თენდება თვალებში ცეცხლი კრთის
ხარ როგორც ველური კატა...
ცალ მუხლზე, ბეჭედით, ხელისთვის
წუხანდელ ბურუსებს ფანტავს !