...ჩამოეკიდა სინანულის ცრემლები თვალებს

ჩამოეკიდა სინანულის
ცრემლები თვალებს,
როგორც სანთელი დაეღვენთა
უძველეს შანდლებს.

გაკრთა ღიმილი მონატრების
უჩუმარ ბაგეს,
სევდანარევი და მწუხარი
ბებერს მამსგავსებს.

რა დააბრუნებს სიხალისეს
სიჭაბუკისას,
ღიმილს მშვენიერს და მთრთოლვარეს
შენი ნატვრისას.

შენ...პასუხია უჩუმარი
გულის სიღრმეში...
და გულისძგერა მაინც ისმის
ამ სიჩუმეში.