ის დგას და მიმიზნებს

ის დგას და მიმიზნებს
ადვილია  ჩემში ნახვრეტის გაკეთება
და ეს ისეთი მარტივია ამ ნახვრეტიდან გამოძვრეს სული.
ის მიმიზნებს- 
                    მე მინდა ყველაფერი ვუთხრა რასაც ვფიქრობ.
ან მხოლოდ ის, 
რომ სინათლე ხმაზე სწრაფია
და ის
რომ შეხება მუდმივია
ან რომ
მუსიკას სიჩუმეში ქმნიან
და ყველა ტალღა ზღვაა თითონაც. 

ის მე მიმიზნებს-
ამ დროს ისეთი მარტივია გაგახსენდეს ყველა სურნელი რაც კი გიგრძვნია
ახალი ბალახის,
ძველი საპნის,
წვეროსანი ბაბუის , ნაომარი შუბლის.
დახუჭავ თვალებს და სამყაროც ქრება- ისტორიების გარეშე კი არ არსებობს არაფერი აქ ყოფნის გარდა.
მერე...  
... სუნთქვა არ დაგავიწყდეს მთავარია.

ის დგას და მიმიზნებს, მე არაფერი დამრჩენია-
 ვუღიმი,
- რა უცნაური ვინმეა ვფიქრობ ჩემთვის.