ქრისტეშობა (ჰეროდეს ლოცვა)

ხმა ციდან
ზარები
ეკლესიის ზარები
და ახლოვდება
იუდეველთა მეფე
და ძე 
და ქრისტე
და მოაქვს იმედები. 
საშობაო ლიტურგია:
გიხაროდენ! 
(ჰალელუიაჰ) 
და ტაძარი
თავსაფრიანი გოგო და ალილო
და ზარები
ხმებია ზარის. 
და გზა მარიამის მიერ განვლილი
გზა იოსების მიერ განვლილი
ჩვენი ცხოვრების გზა:
იგი შეუცნობი
იგი უგრძესი
იგი დამქანცველი
- განვლილი შობიდან შობამდე
დაბადების დღიდან დაბადების დღემდე
და ლუკა
და კვლავ გზა - ნაზარეთიდან ბეთლემამდე
და ბაგა
და თივა
და მწყემსნი
და მოგვნი
და ვარსკვლავი
და ცა
და მამა. 
ჯერ შიში და მერე შობა
სიხარული
და იქვე - მარადისობა
და ოქრო
და გუნდრუკი
და მური
გიხაროდენ!
(ჰალელუიაჰ) 
ასე და ამგვარად, 
იშვა და გადარჩა
იშვა და განკაცდა
სძლია წუთისოფელს
ყველას
და იყო ხსნა
სულის სიხარული
და კი არ დაგვტოვა
არამედ აქ დარჩა. 
მოგვცა გზა
და ჭეშმარიტება
და სიცოცხლე. 
ალილო გასრულდა
ლიტურგიაც
სანთლების სურნელი დარჩა
ადამის მოდგმა გადარჩა. 
(ჰალელუიაჰ)