წერილი

დიდი ხნის შემდეგ, როგორც იქნა მოგწერა,
- გოგომ, რომელზეც გიჟდები. 
და თუმცა შენზე ბევრად უმცროსია 
(თან არასრულწოვანიც),  
შენ უცდი და გეგმავ, როდის გაიფრენენ წლები, 
ის გაიზრდება და ცოლად შეირთავ. 
გიხარია ბავშვივით. 
მაგრამ ახლა არ იცი რა უპასუხო წერილს: “რას შვები, როგორ ხარ?” 
მსუბუქად ღელავ. ანგარიშობ. 
მთვლემარეს უცებ გეღიმება და თავს იდიოტივით იმშვიდებ: 
- არც ისე ბებერი ხარ, ბიჭო!