უფრო მეტი

არც ოქრო–ვერცხლი მიბნევს გონებას,
არც სიმდიდრეზე მებმევა ენა,
არ მინდა მქონდეს დიდი ქონება,
რადგან ამაზე მეტი მაქვს – რწმენა;

არც ჯანმრთელობას ვისურვებ ბედად,
დღეგრძელობაა ჩემთვის მცირედი,
არც ერთს ვინატრებ რამეზე მეტად,
რადგან მეტი მაქვს უფრო – იმედი;

ბედნიერება ვის არ სწყურია
და სანატრელი როგორ არ არის,
მაგრამ არ ვნატრობ, რადგან მეტი მაქვს –
სიყვარულია უფრო მთავარი.

არ მინდა, ღმერთო, იღბალი, ბედი,
ბედნიერება, სიმდიდრე, ფული,
რადგან მიბოძე ათასჯერ მეტი –
რწმენა, იმედი და სიყვარული .

დიდება შენდა, ღმერთო!!!