ბედობა

რა ბედობა, რის ბედობა,
სიცრუეა და ყბედობა;
უფალია თავად ბედი –
ღმერთი ყოვლის შემოქმედი;

გაახილეთ ყველამ თვალი,
ეშმაკის ჩანს აქაც კვალი;
უჭკუობის ზეიმი და
სიბრიყვეა ესეც წმინდა;

ვინ განსაზღვროს ჩემი ბედი
ან ვინ არის ღმერთზე მეტი?!
განა ქვეყნად არის წესი
ღვთის მცნებეზე უმეტესი?!

რა ბედობა, რის ბედობა,
სიბნელეა, უღმერთობა,
ვის ღვთის რისხვა გაებედოს,
რაღა უნდა დაებედოს?!